Тауарлардың көрінісі фотосуретте көрсетілгеннен өзгеше болуы мүмкін

Вишневского линимент 40 гр туба

Қолжетімділігі
Тауар қолда жоқ
Үлгі
4810201004242
Елі
Беларусь
Өндіруші
Борисовский завод медицин
  • Сипаттама

Сипаттама

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Бальзамдық линимент (Вишневский бойынша)

Халықаралық патенттелмеген атауы

Жоқ

Дәрілік түрі, дозасы

Сыртқа қолдануға арналған линимент, 40 г

Фармакотерапиялық тобы

Дерматология. Антисептиктер және дезинфекциялайтын дәрілер.Басқа антисептиктер және дезинфекциялық препараттар.

АТХ коды D08AX

Қолданылуы

ДП ересектерде қолдануға арналған.

Тері мен жұмсақ тіндердің жарақаттан кейінгі, операциядан кейінгі ұзақ уақыт жазылмайтын, инфекция жұқтырмаған жараларында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- қарамайға және ксероформға немесе қосымша заттардың кез келгеніне аса жоғары сезімталдық

- тері мен жұмсақ тіндердің (абсцесті фурункул, карбункул, флегмона, абсцесс, гидраденит, лимфаденит, іріңдеген атерома, липома, парапроктит, плевра қуысының эмпиемасы) жедел іріңді аурулары

Қолдану кезінде қажетті сақтық шаралары

Линиментті жаққаннан кейін қолды препараттың қалдықтарының көзге, мұрынға, ауызға түсуін болдырмау үшін мұқият жуу қажет.

Бальзамдық линименттің құрамына кіретін қайың қарамайы күн сәулесіне сезімталдықты арттырады, сондықтан препаратпен емдеу кезінде күн астында жүруден аулақ болу керек. Препаратты фенолға және оның туындыларына жоғары сезімталдығы бар адамдарға сақтықпен қолдану керек.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуі сипатталмаған.

Арнайы ескертулер

Линименттің көзге түсуіне, оны ішке қабылдауға жол бермеу керек. Көзге кездейсоқ түскен жағдайда оны сумен шаю, дереу дәрігерге қаралу керек.

Педиатрияда қолдану

Қолдану қауіпсіздігі мен тиімділігіне қатысты деректер жоқ.

Жүктілік немесе лактация кезінде

Жүктілік және лактация кезінде тек дәрігердің тағайындауы бойынша, ана үшін пайда мен ұрық/бала үшін ықтимал қауіп арақатысын ескере отырып, қолдануға жол беріледі.

Құрамында майсана майы бар, жергілікті қолдану кезінде тері реакциялары болуы мүмкін.

Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Деректер жоқ

Қолдану жөніндегі нұсқаулар

Дозалау режимі

Линимент зақымданған жерге күніне 2 рет жұқа етіп ысқыламай жағады немесе линимент сіңірілген 5-6 қабатты дәке таңғыш таңылады.

Енгізу әдісі және жолы

Сыртқа

Емдеу ұзақтығы

Емдеу ұзақтығы аурудың сипаты мен ағымына байланысты болады, оны дәрігер анықтайды.

Артық дозаланған жағдайда қолданылуы қажет шаралар

Ұзақ уақыт қолданғанда жергілікті аллергиялық реакциялар (бөртпе, қышыну) көрініс беруі мүмкін.

Емі. Десенсибилизациялық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну қажет

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

- терінің қызаруы, ісіну, дәрілік зат жағылған жерде қышыну түрінде тітіркенуі, тері аллергиялық реакциялары (ұзақ уақыт қолданғанда) болуы мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса,дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір сықпаның (40 г) ішінде

белсенді заттар: қайың қарамайы – 1,2 г,

ксероформ -1,2 г висмут тотығына шаққанда 0,599 г

қосымша заттар:сусыз коллоидты кремнийдіңқостотығы, майсана майы.

Сыртқы түрінің, иісінің, дәмінің сипаттамасы

Өзіне тән иісі бар, ашық-қоңырдан жасыл-қоңыр түске дейінгі линимент.

Шығарылу түрі және қаптамасы

40 г-нан алюминийсықпаларда.

Әрбір сықпаны медициналық қолдану жөніндегі қазақ және орыс тілдеріндегі нұсқаулықпен бірге целлюлоза картонынан жасалған қорапшаға салады.

Қорапшаларды топтық қаптамаға салады.

Сақтау мерзімі

5 жыл

Жарамдылық мерзімі өткеннен кейін қолдануға болмайды!

Сақтау шарттары

15 ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Борисов медициналық препараттар зауыты» Ашық акционерлік қоғамы, («БМПЗ» ААҚ) Беларусь Республикасы, Минск обл., Борисов қ., Чапаев к-сі, 64, тел/факс +375 (177) 734043, Е-mail: market@borimed.com

Тіркеу куәлігінің ұстаушысы

«Борисов медициналық препараттар зауыты» Ашық акционерлік қоғамы, («БМПЗ» ААҚ) Беларусь Республикасы, Минск обл., Борисов қ., Чапаев к-сі, 64, тел/факс +375 (177) 734043, электронды пошта market@borimed.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)

«МедФарм» ЖК, Қазақстан Республикасы, 050026. Алматы қ., Нұрмақов к-сі 26/195, 39 пәтер, тел/факс: +7 (727) 2911 198, тел: +7 777 7040709, +7 777 2306494;

Е-mail: pvqa-bzmp-kz@mail.ru